6:22:00 AM
Unknown
ការរួមរស់នៅជាមួយគ្នាជាប្តីប្រពន្ធជៀសមិនផុតពីការប៉ះទង្គិចគ្នាដូចចាននៅក្នុងរាវនោះទេ។ ប៉ុន្តែដើម្បីឲ្យធ្វើឲ្យភរិយាមានក្តីសុខ ក្នុងនាមជាស្វាមីល្អគួរតែលះបង់នូវទម្លាប់អាក្រក់មួយចំនួន។
ជក់បារី
ក្រោយពេលរៀបអាពាហ៍ពិពាហ៍ហើយ អ្នកគួរតែបោះបង់ទម្លាប់នេះចោល ព្រោះផ្សែងបារីមិនត្រឹមតែធ្វើឲ្យប៉ះពាល់ដល់សុខភាពខ្លួនឯងនោះទេ វាថែមទាំងធ្វើឲ្យប៉ះពាល់អ្នកដែលនៅក្បែរថែមទៀត។ ជាពិសេសបារីធ្វើឲ្យធំក្លិនមាត់អាក្រក់ ដែលជាមូលហេតុធ្វើឲ្យភរិយារបស់អ្នកមិនចូលចិត្តឡើយ។
ពូកែកុហុស
ការពូកែនិយាយកុហុស គឺជាទម្លាប់អាក្រក់ដ៏របស់ស្វាមីខូចខិលមួយចំនួន។ តែប្រសិនបើពួកគេនៅតែមិនអាចកែទម្លាប់មួយនឹងបាន ថ្ងៃក្រោយមិនត្រឹមតែធ្វើឲ្យភរិយាស្អប់អ្នកប៉ុណ្ណោះទេ ថែមទាំងអាចមានបញ្ហាឈ្លោះគ្នាថែមទៀត។
ផឹកស៊ីចូលផ្ទះយប់ជ្រៅ
ការផឹកស៊ីយូរៗម្តងគ្មានបញ្ហានោះទេ ប៉ុន្តែប្រសិនបើអ្នកឧស្សាហ៍ចេញទៅផឹកស៊ីនៅខាងក្រៅញឹកញាប់ ហើយមកផ្ទះវិញយប់ៗជ្រៅ មិនយូរមិនឆាប់ភរិយារបស់អ្នកច្បាស់ជារករឿងអ្នកមិនខាន។
លេងល្បែង
ការលេងល្បែងស៊ីសងមិនត្រឹមតែធ្វើឲ្យអ្នកគ្មានលុយឲ្យប្រពន្ធនោះទេ មិនយូរមិនឆាប់ទ្រព្យសម្បត្តិខំរកទាំងប៉ុន្មានអាចត្រូវរលាយអស់ដោយសារតែការញៀនឹងល្បែងជាមិនខាន។ ហេតុនេះហើយដើម្បីធ្វើជាប្តីល្អ ឪពុកដ៏ល្អ គួរតែជៀសឲ្យឆ្ងាយពីទង្វើមួយនេះ។
ចាយវាយខ្ចេះខ្ជាយ
នេះគឺជាទម្លាប់មួយដែលប្រុសៗស្ទើរតែគ្រាប់គ្នាតែងតែប្រព្រឹត្តិវាជារៀងរាល់ថ្ងៃ។ ប៉ុន្តែក្រោយពីរៀបការហើយអ្នកគួរតែគិតចំណុចនេះឡើងវិញ ដើម្បីកុំឲ្យភរិយារបស់អ្នកមិនសប្បាយចិត្ត។
មើលរឿងសិច
នេះគឺជារឿងពិត មានបុរមួយចំនួននៅតែមិនបោះបង់ចោលទម្លាប់មួយនេះទៀតបន្ទាប់ពីមានប្រពន្ធហើយ។ ទម្លាប់បែបនេះមិនល្អឡើយ ព្រោះវាអាចធ្វើឲ្យប៉ះពាល់ដល់ជីវិតលើគ្រែរបស់អ្នកជាមួយនឹងភរិយា៕
អត្ថបទ:ប្លែកឆដា
អត្ថបទ:ប្លែកឆដា
Posted in: អប់រំនឹងសុខភាព
