រាល់ពេលនិយាយដល់វាលខ្សាច់ ភាគច្រើនមនុស្សទាំងឡាយតែងភ្នក់ដល់ភាពក្តៅហួតហែង ល្ហល្ហេវគ្របដណ្តប់ ។ ពិតជាមានមនុស្សតិចតួចណាស់ ដែលគិតនិងជឿថា ពលរដ្ឋអ៊ីស្រាអែល អាចចិញ្ចឹមត្រីបាននៅទីនោះ ។លើសពីនេះទៀត ការចិញ្ចឹមត្រីនេះពុំត្រឹមតែសម្រាប់ផ្គត់ផ្គង់ឲ្យតម្រូវការក្នុងស្រុកប៉ុណ្ណោះទេ ថែមទាំងនាំចេញទៅលក់នៅប្រទេសផ្សេងៗទៀត ។
តាមបែបប្រពៃណី នោះត្រីច្រើនបានចិញ្ចឹមក្នុងបឹង ស្រះឬក្នុងទន្លេសមុទ្រ។នៅតាមតំបន់រីងស្ងួត និងវាលខ្សាច់ ការចិញ្ចឹមត្រីពិតជាលំបាកលំបិន ហើយពុំស្របនឹងប្រសិទ្ធភាពសេដ្ឋកិច្ច ។ប៉ុន្តែពលរដ្ឋអ៊ីស្រាអែលបែរជាពុំគិតបែបនេះទេ គេគិតថា ត្រីអាចចិញ្ចឹមបាននៅគ្រប់ទីកន្លែងឲ្យតែមាន...ទឹក ។
ផ្ទៃដីជាង ៥០% របស់អ៊ីស្រាអែល គឺវាលខ្សាច់ និងដីរិចរិល ។ ថ្វីត្បិតតែក្តៅហែង ពុំសូវមានភ្លៀង ហើយប្រភពទឹកក្រោមដី ភាគច្រើនជាទឹក (សាបលាយប្រៃ) ដែលសម្បូរដោយប្រូតេអ៊ីន ជួយឲ្យការចិញ្ចឹមត្រីបានល្អ ។ ម្យ៉ាងទៀត គប្បីដឹងថា ត្រីដែលជាអាហាររបស់ជនជាតិជ្វីសមួយនេះ គឺសុទ្ធសឹងចិញ្ចឹមនៅបណ្តាកសិដ្ឋាន ។
បណ្តាប្រព័ន្ធកសិដ្ឋានចិញ្ចឹមត្រីរបស់ពលរដ្ឋអ៊ីស្រាអែល តែងប្រើប្រាស់ទឹកកែច្នៃឡើងវិញ ៩៩% ឯណោះ ដោយគេបានចម្រាញ់វាយកចេញនូវកាកសំណល់ត្រី ទៅធ្វើជាដីសំរាប់ដាំដំណាំ ។ ពោលគឺទឹកសំណល់ពីអាងចិញ្ចឹមត្រីត្រូវបានប្រព័ន្ធកែច្នៃស្មុគស្មាញមួយ សម្អាតយកជាតិពុល និងសំណល់ល្បាប់អាក្រក់ ហើយយកទឹកស្អាតមកបន្តចិញ្ចឹមត្រីទៀត ។
ប្រព័ន្ធបែបនេះរបស់អ៊ីស្រាអែល អាចប្រើប្រាស់បាននៅគ្រប់ទកន្លែង លើដីគោក ដែលឲ្យតែមានប្រភពទឹកចាប់ផ្តើមប៉ុណ្ណោះ ។ វាជាប្រព័ន្ធតភ្ជាប់ជិតមួយគឺ ក្នុង១ឆ្នាំៗ គេសម្អាតយកកាកសំណល់ពីទឹក ដែលចិញ្ចឹមត្រីដើម្បីយកទៅធ្វើជាដីសម្រាប់ដំណាំ និងទឹកស្អាត បន្តចិញ្ចឹមត្រី ។
អ្នកចិញ្ចឹមត្រីទាំងឡាយ តែងភ័យខ្លាចពីរឿងជំងឺដង្កាត់របស់ត្រី ប៉ុន្តែ ក្នុងប្រព័ន្ធចិញ្ចឹម "បិទជិត" បែបនេះ វាជារឿងមិនងាយមិនងាយចម្លងឡើយ ឲ្យតែគេប្រយ័ត្នចំពោះប្រភពកូនត្រី មុនពេលបញ្ចូលអាង ។
គន្លឹះនៃជោគជ័យរបស់ពួកជ្វីស (អ៊ីស្រាអែល) នេះ គឺដោយគេមានបច្ចេកវិទ្យាសន្និដ្ឋានប្រភពទឹកក្រោមដី និងវិធីប្រើទឹកយ៉ាងមានប្រសិទ្ធភាពពី១តំណក់ឡើង ។
ដោយប្រភពទឹកមានកំរិត ទើបពលរដ្ឋអ៊ីស្រាអែលតែងតែរក្សាទឹកទុក ក្នុងរដូវរងារ សម្រាប់ផ្តល់ឲ្យកសិកម្មនៅរដូវក្តៅ ។ វិស័យកសិកម្មប្រើប្រភពទឹកស្តុកនេះ ដើម្បីចិញ្ចឹមត្រី ដាំដំណាំ នារដូវក្តៅ ។
បច្ចេកវិទ្យា "បន្តក់ទឹក" ដល់ដំណាំលើវាលខ្សាច់ នៅអ៊ីស្រាអែល
ក្រៅពីប្រព័ន្ធបិទជិតដូចពោលខាង ពលរដ្ឋអ៊ីស្រាអែលតែងត្រូវបានលើកកម្ពស់ មនសិការសំចៃទឹក ក៏ដូចជាការពារបរិស្ថាន ។រដ្ឋាភិបាលប្រទេសនេះ មានការគាំទ្រ ពិសេសចំពោះការវិនិយោគក្នុងវិស័យកសិកម្ម និងជលផល ។ ជាក់ស្តែងរដ្ឋផ្តល់ការគាំទ្រទុនប្រមាណ ២៤% ចំពោះគំរោងបែបនេះ និងបានលើកលែងពន្ធនាំចេញនាំចូលទាំងស្រុង ។បច្ចុប្បន្ន ទិន្នផលត្រីចិញ្ចឹមរបស់អ៊ីស្រាអែល គឺជិត ៣ ម៉ឺនតោន ក្នុង១ឆ្នាំ ដែលមានទឹកប្រាក់ប្រមាណ ៧០ លានដុល្លារ ។វាពិតជាអស្ចារ្យណាស់ ដែលលើវាលខ្សាច់ខ្សោះរិចរិលសោះ តែអ៊ីស្រាអែលអាចអភិវឌ្ឍការដាំដំណាំ ចិញ្ចឹមត្រីល្អបែបនេះ ។ វាជាមេរៀនមួយរបស់ជនជាតិជ្វីស ៕
កែសម្រួល:ប្លែកឆដា
9:38:00 PM
Unknown
Posted in: ពត័មានក្នុងប្រទេស
